Новую кнігу зь «Біблятэкі Свабоды ХХІ стагодзьдзя» пра журналіста, рэдактара і палітыка Ігара Герменчука «Спадар Свабода» ўпершыню прадставілі на фэсьце «Прадмова», які пачаўся ў Горадні 7 сакавіка.
«Спадар Свабода» — драматычны аповед пра нашага сучасьніка, якога параўноўваюць з Кастусём Каліноўскім. Герой кнігі Ігар Гермянчук (1961–2002) — журналіст, рэдактар, палітык. Гісторыя беларускай незалежнай прэсы — гэта шлях ад «Мужыцкай праўды» Каліноўскага да газэты «Свабода», якой прысьвяціў сябе Гермянчук.
Народны пісьменьнік Беларусі Васіль Быкаў назваў яго самым гераічным рэдактарам самай гераічнай беларускай газэты. Гермянчук рэдагаваў «Свабоду» з 1991 да 1997 году, калі суд закрыў яе.
Чаму і як закрылі «Свабоду», як яна стала выходзіць зь іншай назвай, чаму і як самога рэдактара звольнілі з фармулёўкай «за непрафэсіяналізм»? Пра гэта — у кнізе.
Аўтар кнігі гарадзенец Сяргей Астраўцоў супрацоўнічае з Радыё Свабода з 1993 году. Піша апавяданьні і аповесьці, выдаў каля дзесяці кніг, прозу падпісвае як Сяргей Астравец.
Сяргей Астраўцоў і гісторык культуры Сяргей Харэўскі прадставілі кнігу ў Горадні 7 сакавіка ў рамках фэстывалю інтэлектуальнай кнігі «Прадмова». Прэзэнтацыя прайшла ў Цэнтры гарадзкога жыцьця на вуліцы Кірава, 3.
Кожны ахвочы змог бясплатна атрымаць асобнік з подпісам аўтара.
«Спадар Свабода». Кніга Сяргея Астраўцова пра Ігара Герменчука
1. «Час пісталетаў»
2. Як у Менску ў канцы 1970-х ладзілі падпольную друкарню
3. Як будучыя дэпутаты незалежнасьці сустрэліся па дарозе з Салаўкоў
4. Аўтаспынам на журфак
5. Такой мовай у парлямэнце яшчэ не прамаўлялі
6. Як Лукашэнка Кебічу паціснуў два пальцы, а Пазьняк не падаў рукі
7. Пацалунак Кебіча і Чарнамырдзіна
8. «Ноч доўгіх нажэй»
9. Думкі аб прэзыдэнцтве
10. Газэта зь пятлёй на шыі
11. Газэта зь пятлёй на шыі
12. «У нашым краі пануе чужак»
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў